YƐSÃÃ 122:1-8

¹Dɑfiti yɛ̀nfɛ̀ bɛ̀ ɔ̃ ndiè nfɛ̀ kɛ kɔri Kuyie ncĩ́ɛ̃̀tɛ̀. Kɛ̀ bɛ̀ ǹ nɑ̀kɛ́ kɛ yĩ: Ti kɔtɛ ti Yiɛ̀ nKuyie ncĩ́ɛ̃̀tɛ̀. Dɛ̀ ɔ̃ nni nɑɑtimu.

²Sedisɑdɛmmu ti cómmú ɑ bòrì ndi.

³A mɑɑ́ kɛ wennimu kɛ̀ kuduotí kperíkù dɑ fitɛ́.

⁴Iwuɔ ndɛ nkɔrìní, ti Yiɛ̀ nKuyie nkó iwuɔ, kɛ dɛ́úkùnko ti Yiɛ̀ nKuyie nkù bɛ̀ nɑ̀kɛ́ kɛ yɛ̃ mbɛ̀ ndɔɔrimɛ̀.

⁵Dɑfiti yɑɑ̀bí kó yɛkpɑ̀ɑ̀tìkɑ̀rɛ̀ bo fɔ̃́ɔ̃̀ miɛkɛ, bɛ̀ dɛ nkɑrì kɛ bekù.

⁶Ti mɔ́ú tì Kuyie ntiì tu kunɑɑtí bo mbonɛ̀mɛ̀ fɔ̃́ nSedisɑdɛmmu, bɛ̀ɛ̀ dɑ dɔ́ kɛ̀ bɛ̀ nkɑrì bɑ̀mmùù.

⁷Kunɑɑtí mbo Sedisɑdɛmmu miɛkɛ, kɛ̀ bɛ̀ nkɑri sicɛ̃́ĩ kɛ̀ tìmɑtì í bɛ̀ kɔɔ́nnɛ̀.

⁸N kɔbɛ nɛ̀ n nɛ́pobɛ̀ kpɛ́í nte, kɛ̀ n tú kunɑɑtí mbo ɑ miɛkɛ.