Psalms 122:1-8

¹(Ilu se temple te nama tarigira ko wur David batogam) Tom nuna aninga manorman, “Ario! ana Yawe ko temple te namanakko,” maman, mu ani ninguru amilmilerem.

²O Jerusalem, ana aitak nika songkuring ago sanamiwasan!

³Jerusalem wonong mu iwita kaloman, numi kitira biya se aora biya nunguningkiri.

⁴Umu te Yawe ko kariimet Israel, digo koma koma te tarigisan, ale te balam uwutata te nup patawusan.

⁵Ale kuwim umu betela ikup guyak te tuati nunga ko kuwim, se king bibiya David te kaparam mu nunga daiga kuwim.

⁶Buta se Jerusalem ko marolila ko guranek beteralko: “O Jerusalem, awiriya nika kueso mu daiga bagara yawara arigimonko.

⁷Nika por ka lautam mu ningi mu marolila anirukko, se ka kawam suen la mu bitua karogo la!”

⁸Aninga gue suan alo se aga sikisaki alo nunga ningo ko se, ani iwita balsam, “Jerusalem, marolila nika ningi anirukkowo!”