13tan waday talnan di nemnem da sin timpon di ligat da enggana ay maisagana din kaot para sin mangam-amag si lawa.
14Din ipogaw mo ay Diyos yan adi ka baybay-an,
15mawadan to kasin di kinalinteg sin pangokoman, et amin ay nalinteg yan en da apolbalan.
16Ay wada aya di sinmalaknib sin mangam-amag si lawa?
17Mo adi ka binmadang ay Diyos, nateyak koma ay nasapa.
18Idi dandani ay matokangak, Apo, inpapigsam sak-en begew sin adi manbalbaliw ay layad mo.