Salmo 88:10-13

¹⁰Adi ka met amagen di milagro para sin baken matmatago, adi aben makabangon di natey ta idayaw dan ngadan mo.

¹¹Sin kaot ay kadondonotan da yan adi da ipaammo din adi manbalbaliw ay layad ya kinamatalek mo.

¹²Ay maipaila aya din nakaskasdaaw ay inam-amag mo ya mabigbig din kinasiged mo sin mabolinget ay doy ay kad-an da ay din emey yan enggay malinglingan da?

¹³Inagsapa ay mankarkararagak ay mankedaw si badang mo.