Salmo 81:1-8

¹Begew si ragsak yo, ibogaw yo din kanta yo ay mangidaydayaw en Diyos ay napoan di pigsa tako. Sisya din Diyos ay dinaydayaw Jacob ay apo tako.

²Manambol kayo, ilogi yo ay mankanta! Kompasan yo si arpa ya gitara ta say makaay-ayo di kadngeana.

³Mananggoyob kayo ay mangipaammo sin fiesta sin beskan di bowan ya pan-inatana.

⁴Tan ed Israel, naibilin dana ay linteg, bilin Diyos ay dinaydayaw Jacob.

⁵Sin Israelita, inbilin di Apo sin nangobatana si taga-Egipto. Wada et di dinngek ay kali ay adiak ammo:

⁶“Kinaan ko din nadagsen ay binaklay yo, kinaan ko din baskit sin takkay yo.

⁷Sin timpon di ligat yo, nankararag kayo et insalakan kos dakayo. Sin kido ay nantatabonak, sinongbatak dakayo, sin kad-an di obbog ed Meriba pinadas kos dakayo.

⁸Dakayo ay ipogaw ko, dengngen yo din pamagbagak en dakayo, et sapay koma ta pomati kayo.