Salmo 78:8-11

⁸ta baken dan kaman din ap-apo da ay nangonkontra en Diyos ya makenteg di nemnem da. Adi da nantalek en Diyos ya baken dan napodno en sisya.

⁹Din polin Efraim yan nan-armas da si pana, ngem sin timpon di gobat, nanagtag da.

¹⁰Nilabsing da din intolag Diyos en daida, sinigaan da ay tongpalen din linteg na.

¹¹Nilinglingan da din inam-amag na, din nakaskasdaaw ay inpaila nan daida.