Salmo 73:23-27

²³Ngem olay mo siya di, intakkayam din kannawan ko et wadaak ay kanayon sin sag-en mo.

²⁴Itdom di amagek babaen sin bilbilin mo, et sin omawatam sin tapin di agew yan way dayaw ko.

²⁵Magay odom si anapek mo adi et sik-a ed daya ya isnan daga.

²⁶Olay mo komapoy nan awak ya nemnem ko, sik-a ay Diyos di mangidawat si bikas ko, sik-a et anggoy di kapkapoan di masapol ko.

²⁷Din addawi en sik-a, awni man et mapospos di biyag da. Siya abe sin manokog en sik-a ta natken ay diyos di pansilbian da, Tan dosaem daida et matey da.