Mbouŋ to Yes Israela 73:23-27

²³Eemoghon yom upul ghou maau. Yom unepneep toman ghou irau sawa isob, ve ukis nimag waan ve upalot ghou.

²⁴Yom ughamgham pooz payou, leso nataghon ŋgar tiom. Ve muri, yom pale upakur ghou, ve ugham ghou nalat naneep toman ghom ila ŋgurubam lolo.

²⁵You nagham ŋgar pa mbeb eta to ndug sambam maau. Yom moghon to nagham ŋgar payom. Yom unepneep toman ghou, tovenen nakaal sa mbeb muul izi taan? Maau. Pasa, yom moghon to uraua.

²⁶Ighaze tapirig isob, ve ŋgar tiou iraua maau, nene pale Maaron ipalot ghou. You naghita Maaron naghaze ye mbeb tau. You naghamgham tapirig ila toni, ve naneep ila toni. Ye inimale taan poia eez to tipuli payou, leso naneep ila.

²⁷Yes to lolodi ineep saguan payom, nene pale tilaledi. Ve yes to tipul muridi payom, yom pale upasob di.