Salmo 72:1-11

¹Apo Diyos, itdoam din ari koma ta magay pabpaborana sin pangowisana. Idawtam komas sisya sin kinalinteg mo

²ta say nalinteg di pangiturayana sin ipogaw mo, din kalintegan di nabiteg et itontona ay kosto.

³Mayat koma di apit sin daga ya din ipogaw et nalinteg da.

⁴Din kalintegan di nabibiteg et itonton din ari koma. Din an-ak di kakaasi et tolongana koma ya dosaena din mamalpaligat en daida.

⁵Matagotago koma din ari si eng-enggana ay kaman din kabayag di agew ya bowan ed daya.

⁶Maiarig koma sin odan ay manibsibog si mola ya mamasbasa sin namgaan ay lota.

⁷Wada koma di kinalinteg ya talna sin timpo na dalo et mo din bowan yan mawawada.

⁸Sapay koma ta din kaannawan di iturayana, manipod isnan ginawang ay Eufrates enggana sin gedeng di daga.

⁹Paiturayan da koman sisya din amin ay kalabana.

¹⁰Din man-ari ed Mediterranean ya Espania ya siya abe ed Arabia ya Etiopia, iali da koma din bowis ya sagot da.

¹¹Amin koma ay ari yan manpaituray dan sisya ya amin ay nasyon yan mansilbi dan sisya.