Salmo 63:1-6

¹Peteg di iliw ko en sik-a, Yahweh ay Diyos ko. Sin am-in ay biyag ko et sik-an inan-anap ko. Kamanak namgaan ay lota ay siyat masibogan, din ab-abiik ko et masapol nay kawadam.

²Mailak komas sik-a sin oneg di Timplo ta ilaek din panakabalin ya kinadiyos mo.

³Din adi manbalbaliw ay layad mo et nabanbanol mo din mismo ay biyag ko, isonga ikankantak din dayaw mo.

⁴Idaydayaw kos sik-a engganay mapap-eng di biyag ko, kankanayon ay ikakayang kon takkay ko ay mankararagak en sik-a ay Apo.

⁵Napnenapnekak ay kaman din nangan si kosto, naragsakak ay mangidaydayaw en sik-a ay Diyos ko.

⁶Mo pay ta sin labi et ibakbaktad ko, enggana sin mapat-a et wada ka sin nemnem ko.