Zebur 63:1-6

¹Dawut yazghan küy (u Yehudadiki chöl-bayawanda bolghan chaghda yézilghan): — I Xuda, Sen méning ilahimdursen, Teshnaliq bilen Séni izdidim! Men qurghaq, changqaq, susiz zéminda turup, Jénim Sanga intizar, etlirim telmürüp intilarki —

²Muqeddes jayingda Sanga köz tikip qarighinimdek, Men yene zor qudriting we ulughluqungni körsem!

³Özgermes muhebbiting hayattinmu ezizdur; Lewlirim Séni medhiyileydu;

⁴Shu sewebtin tirik bolsamla, Sanga teshekkür-medhiye oquymen, Séning namingda qollirimni kötürimen.

⁵Jénim nazunémetlerdin hem mayliq göshlerdin qanaetlen'gendek qanaetlendi; Aghzim échilip xush lewlirim Sanga medhiyilerni yangritidu;

⁶Ornumda yétip Séni esliginimde, Tün kéchilerde Séni séghinip oylinimen.