Salmo 58:8-11

⁸Kaman koman ginga ay maomas di ngaey na, ono binowang ay adi makailas pat-a.

⁹Din panosaan Diyos en daida et mabigla. Kaman logam ay bigla ay magabot da, pag itayaw di dagem ay napigsa.

¹⁰Maragsakan dan to din nalinteg ay mangila sin kadosaan di mangam-amag si lawa. Maiarig das nangabak ay sosoldado ay peteg di ragsak da mo gatigatinan da din dadan di kalaban da.

¹¹Din ipogaw yan kanan dan to, “Magon-gonaan din nalinteg ay sigurado. Tet-ewa ay waday Diyos ay mangokom sin kaipoipogaw isnan lobong.”