SAM 58:8-11

⁸Sike gatu waaminu gapanda kepdakane kungwake kapanga sike sopukaing binga kuut sinong. Gatu engangga mingae musiaatang kungwakaing binga kuut sinong. Masande mingata tangaiwanu gunzit gwenu dua kawik.

⁹Zaatgaman Anututa waaminu apasiwan maining. Unzing aminda katap matek dakandaka pasiwan pimakaing binga. Waaminu kayuk yuwawan Anututa musiptok natake sambasamba binga mumba kuning.

¹⁰Sike amin nomanda wai aminu Anututa pasiwan maiwan kakengu apbaknganing. Siwana noman aminda wai amindane dak kakngane kepina sautning.

¹¹Siwana aminu kunduta gatu anzing yaning, Siakande siknga, Anututa take aminde buyana nomana siknga yamunggak. Siakan siknga, Anutu ayuak. Sike ita aminbamu wam yaning komune asusanzikgak ngang yaning.