Salmo 56:1-12

¹Maseg-ang ka ay Apo, tan kanayon ay pomaligat din kalaban ko.

²Maninsin-agew ay omibaw da, ad-ado da ay komonkontra.

³Diyos ay Kangatoan, sik-a di pantalkak mo wada di pan-egyatak.

⁴Idaydayaw ko din karim ay omisalakan ka. Magay pan-egyatak tan mantalekak en sik-a, din owat ipogaw yan magay maamag da.

⁵Din ibagak yan kanayon ay tilitilen da. Pag din pomaligatan da di kanayon ay nemnemen da.

⁶Matopog ya mantabon da, siimen da amin ay amagek ta pomse da.

⁷Dosaem daida gapo sin basol da, ipailam din bonget mo, abakem daida.

⁸Ammom met mo kas-anoy lowak ya ligat ko, sigurado ay insolat mo si libro.

⁹Sin agew ay kedawek din badang mo, lomayaw dan to din kalaban ko. Ammok ay komadkadwa ka, Apo.

¹⁰Idaydayaw ko din karim ay omisalakan ka.

¹¹Magay pan-egyatak tan mantalekak en sik-a, din owat ipogaw yan magay maamag da.

¹²Masapol ay idaton ko din inkarik en sik-a, Apo, man-idatonak si iyaman ko,