Yaburina 56:1-12

¹Dawudaa maxandi ɲaxumɛna. Bɛti baane kuntigin xa: a xa ba alo bɛtin naxan xili, “Ganban Wudi Makuyeni” a naxan ba Filisitine to a suxu Gati taani.

²Ala, kininkinin n ma amasɔtɔ e n yɛngɛma. N yaxune n bɛsɛnxɔnyama fɛriɲɛn gbɛn!

³Fɛriɲɛn gbɛn n yaxune n yɛngɛma. N yɛngɛfane bata wuya ayi, e waso.

⁴N na gaxu waxatin naxan yi, n na n yigi sama i tan nan yi.

⁵N na Alaa fala kamalixine matɔxɔma, n yi n yigi sa a yi, nanara n mi gaxuɛ mumɛ! Daɲɔxɔn dɔrɔnna nanse ligɛ n na?

⁶Fɛriɲɛn gbɛn n yaxune n tɔrɔma. E n ɲaxankata feni tɔnma waxatin birin!

⁷E e malanma luxundene yi, e yɛɛne tixi n na, n nɛɛn dɛdɛ. E yengi a ma e n faxɛ.

⁸I nama tin e rakisi feen ma e fe ɲaxine ma. Ee! Ala! I xɔlɔxin xa na muxune rabira.

⁹N ma sunun yatɛ. N yɛɛgena fe xa rabira i ma. I xaxili mi dɔxi e xɔn ba?

¹⁰N na i xili waxatin naxan yi, n yaxune xɛtɛma n fɔxɔ ra nɛn, n yi a kolon a Ala n xɔn.

¹¹N na Ala matɔxɔma a falane fe ra! N na Alatala matɔxɔma!

¹²N yigi saxi Ala nin, n mi gaxuɛ mumɛ! Adamadiin nanse ligama n na?