Salmo 49:6-10

⁶Mantalek da sin kinabaknang da ya it-it-ek da din sanikwa da.

⁷Adi kabaelan di ipogaw ay mangsobot sin awak na, adi na mabayadan en Diyos din biyag na.

⁸Tan din bayad di biyag et palalo ay nangina, magay omanay si ibayad da

⁹ta matago da si eng-enggana et sin pese yan mailisi da.

¹⁰Ammon di amin ay olay din masirib et matey da ay kaman din naong-ong ya magay nemnem na. Daida am-in yan taynan dan kinabaknang da, et tawiden di aan-ak da.