Salmo 35:7-16

⁷Olay magay gapo yan insagana da di bito ta enak makna.

⁸Sapay koma ta mabigla da ay makna sin bito ay insagana da.

⁹Et palalon to di ragsak ko mo siya say iyat mo, tan omisalakan ka, Apo.

¹⁰Naimposoan ay enak ibaga, “Apo, magay makaison sik-a. Salaknibam din magay bael na sin pamaligatan di napipigsa.”

¹¹Din lawlawa di nemnem da yan omipabasol das baken tet-ewa. Magay ammok sin ipabasol da.

¹²Kaasiak pay isna, tan sobalitan das lawa din siged ay inamag kon daida.

¹³Ngem sak-en pay sin nansakitan da yan nanladingitak tet-ewa. Nanbadoak si sako ya initpek di dagaang ko. Nanyakog-ongak ay nankararag,

¹⁴kaman din iyat ay mangikararag si gayyem ono kabsat. Kaman din iyat ay mangiladingit si ina din ladingit ko ay paran daida.

¹⁵Ngem idi sak-en di nanproblima, linmikob ya sinmisiyek da. Naitapi pay di mangili ay kinmonkontra, magay saldeng di linmaslasoyan da, binmisngibisngit da di kaiarigana.

¹⁶Da din ipogaw ay nay ay magay silbi na, mankayetket din bab-a da ay omila gapo si bonget da.