7मारदे हना मेकोपुकीमी मोशान आं कली ब्वारद दाइक्ताक्यीमी। मिनु मोशान आं कली साइक्चा कली बिक्तीक दोम्तेक्म।
8मेको आन मतुइक्थु, हिंचा ङा ठेयब श्येत दुम्ल। मिनु मेको आन ख्रुइश्शा दाइश्शो ब्वारदम आंमान रेम्मल। मेको आन दोशो बिक्तीकेमी आंमान बिक्शा, बेक्मल।
9गो चहिं परमप्रभु यावेमी आं कली प्रोंइशो तशा ग्येरसीनुङ।
10मिनु गो आं रां नेल्लेमी “परमप्रभु यावे, इन खोदेंशो सु बाक्बा?” देंनुङ। गे मचाप्ब नु श्येत जाइब आन कली बोल्यो मुर आ गुइ रे प्रोंइनीनी।
11जोल पाइब सांकछीपुकी ग्रूनीम। मिनु आं मतुइश्शो लोव़ हिल्लो पाइनीम।
12गो मेको आन कली रिम्शो पाता। मेकोपुकीम चहिं मरिम्शो पाइक्तीमी। गो का ला दुम्ती, सुइम आं कली वारच मपाइय्यीमी।
13मेकोपुकी रोइ पामेनु, गो अरन्डी फेक्शा, माइजा बाक्शा, सुर्ता पाता। गो बाप्शा मेको आन पर्बम परमप्रभु कली पुंइता। अय्युब ३१:२९
14आं वारच नु आं लोक्ब आन पर्बम खोदेंशो पा, मेको आन पर्बम रोंका पाता। आं ममा आ पर्बम खोदेंशो पा आं पिया खुक्शा, रोंका पाता। रोमी १२:१५
15तन्न गो दाइल पांइसीङानु, मेकोपुकी रिश्शा, आं पर्बम शुक्शी पचा कली बुक्तेक्म। आं मतुइश्शो शुक्शी पाइबपुकी आं कली मरिम्शो पचा कली बुक्तेक्म। मिनु मेकोपुकीम आं कली शुक्शी पस ङा पस पतीमी।
16मेकोपुकी नेल्ल क्येङा मरिम्शो दुम्शा, शुक्शी पा, आन ख्रुइ शेप्नीम।