Salmo 27:2-7

²Mo domoklos di lawa ay ipogaw ta pomse da, daida ay kaibaw ko di maisokba yan maabak da.

³Olay mo lomikob di ad-ado ay soldado, maga polos di egyat ko. Olay mo gomobat dadi ay kaibaw ko, mantalekak pay dedan en Diyos ay Apo.

⁴Esa anggoy di kinkindaw ko en Apo, es-esa di panggep ko isnan biyag ko: manteeak koma ay kanayon isnan Timplo na ta mailak koma di am-in ay kinasiged na ya ta manpaitdoak abe en sisya.

⁵Tan sin timpon di ligat ko somalin sisya, itabonas sak-en sin oneg di Timplo na. Salaknibanas sak-en sin nakayang ay bato, tan sidi, adi makaabot din kaibaw ko.

⁶Awni et abakek din lomilikob ay kagobat ko, et peteg di ragsak ko ay man-idaton si animal sin Timplo yan ipigsak din kantak ay mangidaydayaw en Apo.

⁷Dengngem koma mo mankararagak en sik-a, Apo. Maseg-ang ka koma ta songbatam nan adawag ko.