Salmo 25:2-9

²Mantalekak en sik-a ay Diyos ko. Adim kod ipalobos ay maibabainak, Apo, begew sin omabakan di kalaban ko. Adi ka kod ipalobos ay somiyek da, Apo.

³Adi maabak din mantalek en sik-a, ngem din manlipot ya mangietek si iib-a da et maibabain da.

⁴Itdom kod din pandanak ay kosto ta say amagek din laydem, Apo.

⁵Itdom di iyat ko ay mangonod sin ibilang mo ay tet-ewa, tan din Diyos ay omisalakan et sik-a, isonga di pantalkak ay kanayon et sik-a.

⁶Nemnemem koma din seg-ang mo ya adi manbalbaliw ay layad mo ay inpappailam manipod ed nabaon, Apo.

⁷Pakawanem koma din basbasol ko sin kakitkittoy ko. Nemnemem komas sak-en gapo sin kinasiged mo ya adi manbalbaliw ay layad mo.

⁸Sik-a ay Diyos, gapo ta siged ya nalinteg ka, itdom sin managbasol din danan ay onodan da koma.

⁹Iturong mo din napakombaba sin kosto ay danan da ya itdom din laydem en daida.