Salmo 21:1-6

¹Nengazen, mibmelipayen is hadì he pinilì nu, tenged te mibeǥayan nu sikandin te zesen. Utew sikandin nelipey su mibpengelinteuwan nu he mekezaag sikandin.

²Imbeǥey nu kandin is penganduy zin; imbeǥey nu kandin is ebuyuen din.

³Midawat nu sikandin ne mibeǥayan nu te meupiya he menge vutang. Migkurunahan nu sikandin te lunsey he vulawan.

⁴Mibuyù din diyà te kenikew he sumpuli nu is untung din, ne mibeǥayan nu sikandin te meluǥayad he untung.

⁵Tenged te kezeeǥan he imbeǥey nu ziyà te kandin nevantug sikandin wey midekelà is dengeg din.

⁶Ne ebpedayun is menge tuvad nu kandin. Ne utew nekeveǥey kandin te kelipey is kebpekiduma nu kandin,