Ola Saam 21:1-6

¹YAWEI, melabat king im gudbinji dumaji yu strongbala. Im singim song en im dens dumaji yubin meigim im win.

²Yubin gibit im wanim imbin wandimbat brabliwei. Yu nomo bin nokambek im wen imbin askim yu.

³Yubin kaman langa im garram ola gudwan ting, en yubin pudum speshalwan golwan het langa im hed.

⁴Imbin askim yu blanga jidan laibala longtaim, en yubin gibit im det olagijawan laif.

⁵Im brabli haibalawan dumaji yubin album im. Yubin meigim im jidan haibala en pipul ebriweya sabi im.

⁶Ola gudwan ebrijing weya yubin gibit langa im garra jidan olagijawan. En im oldei jidan gudbinjiwei dumaji yu na oldei jidan garram im.