Godigo Nogi Ugwaba Sabo Tęąbi Po Wabo Buku Dabe 21:1-6

¹Te Devitgo asęani balia po me deli dao. Genuai Bidi, nago te kingba bomo mobaso, te agai wiegi yai homu pemene yai. Te nago agai te hwįbode augwali aiyaba elalumainu yali sęde te agai homu pemene wiegi yai mu ebao.

²Te agai wei eyu sainu yali nai, nago agaba manio. Awe, agai nageba hanalu wali nai, nago te agaba mani.

³Nage agaba asiyu, te wiegi yai homu ilabo nai dali sela asai. Tama nago te wiegi yai kapa gol elalubo kingo madi aga toboluba muai.

⁴Agai nageba te bidibo ula mao po hanalu obaso, tama nago aga mawai. Mu tama, nago aga bidibo ula te sesabi mu elama, bidimainu yai.

⁵Nago aga tau selama, tama aga genuai nogi mu elalubao. Nago nogi me bomo digi nago aga mani.

⁶Mu tama, te nago wiegi yai sę ebo kolesaga agade sesemane elaluaibao. Nage aga pąde bidiyu, tama tebogo aga wiegi yai homu pemene mu ilibo dao.