YƐSÃÃ 21:1-6

¹Bɛ̀ dìèmmɛ̀ Dɑfiti yɛ̀nfɛ̀.

²Ti Yiɛ̀ nKuyie ndɛ̀ nɑɑtimu okpɑ̀ɑ̀tì ɑ mɔkɛ mɛ̀ɛ̀ kpɛ́í mmuwɛ̃rímú, ɑ ò teennɛ̀mu kɛ̀ dɛ kó diwɛ̀ì diɛrì ò bo.

³A ò duɔ́mmu o yɛ̀mmɛ̀ dɔ́ dɛ̀, ɑ í ò yetɛnɛ̀ ò dɑ mɔɔ dɛ̀.

⁴A ɔ̃ɔ̃ ò conɛ̀ mɛsɑ̀ɑ̀ mmɛ, kóò òó mmɛsɔɔ nsɑ̀ɑ̀mɛ̀ kó dipìì

⁵Ò dɑ mɔɔ mufòmmu mmu kɑ̀ɑ mù nhò duɔ́, koò yìɛ́ yɛwe kòo fòmmu òkɛ̀ mɛdiɛ̀.

⁶Fɔ̃́ɔ̃̀ ò dɛɛtɛ́ kòo yètìrì dɛukɛ, fɔ̃́ɔ̃̀ ò dɛ̀úkùnnɛ koò duɔ́ ndisɑ̃nni.