SAM 21:1-6

¹Buyambam tapa, King kapa gata kekeknga imukuyakge gae apbaknganggak. Ita amak tasiwan gata gatangami iwana ayapbikgakge gae asiknga baknganggak.

²Sanga ita musiaatang take nataau gata gwa imukuyak. Ngan, sangae ganikuu dua kotnake gwa imukuyak.

³Ita gae apan gata gaak wam inike sanga take siknga aknga imukuyak. Sanga imuke ita King dakngawikge natake gata Kinggane kupna gwaam siknga golmonita tasiya gwapakngane gwapungamukuyak.

⁴Ita kayuk yutnanga akngae ganiwan gata asiimukuyak. Siwan kayuk yutnanga waaknga tasiwi mamaya siknga asinggan yuwik.

⁵Gata gatangami ita iwana kuupbam yapbike umana enane siknga kopsa apa dakngake yuak. Ngan, gata umana kopsa takngaat gatu kekeknga akngaat gata gika imukuyak.

⁶Gata ie take siknga tasingamunggayak. Siwan siakan siknga, gata unzingu asinggan asinggan tasinggayak. Ga iat gatake wesim yuwawi musia tatanga siknga singgak.