Salmo 19:9-13

⁹Din pamatpatgan di ipogaw en Diyos et dadlon nasantoan ya nadalos. Din panaydayawan da en sisya et mantoltoloy si eng-enggana. Am-in ay ikeddeng Diyos et kosto da tan polos ay magay pabpaborana.

¹⁰Din kalin Diyos et nabanbanol mo din balitok ay kanginaan, mammam-is abe mo din anig ay kam-isan.

¹¹Babaen sin kalim, ay Diyos, mabagbagaanak, et dakdake di gon-gonak sin panongtongpalak.

¹²Magay makanemnem sin am-in ay ipaksaw na, namnamed din adi na ammo ay basol na. Sapay koma ay Diyos ta pomakawan ka.

¹³Adi ka koma aben ipalobos ay igagarak ay manbasol en sik-a ya omituray din basol ay kaman nisa. Et mo siya di, magay maipabasol en sak-en, et mailisiak si basol ay nadagsen.