SALMO 19:9-13

⁹Tata Diosta kuyashpanchikuna mana tukuyniyukta allita rurashpa kawsanchisapa. Tata Dios kuskanpi mana llullakushpa kamachiwanchisapa.

¹⁰Paypa rimananka kurimanta ashwan allimami. Amu mishkinta munananchikunamanta Tata Diospa rimananta ashwanta munanchisapa.

¹¹A, Tata Dios, kamachikunaykikuna yachachiwan ama uchallikushpa kawsanaynipa. Chaykunata kasuptini sukaman yanapawanki.

¹²Mana ni pi kikinmanta yachanchu uchallikushkanta. A, Tata Dios, mana yuyashpa uchallikuptini perdonaway.

¹³Yanapaway ama kikinilla kreyinakunaynipa. Ama munaychu kreyinakushpa kawsanaynipa. Yanapawaptiki mana uchayuk runa kasha amana uchallikunaynipa.