Salmo 17:7-13

⁷Ipailam kod din nakaskasdaaw ay layad mo, tan sik-a di mangisalakan babaen sin panakabalin mo sin am-in ay mangan-anap si pankamangan da mo ilayawan da din kaibaw da.

⁸Bomantay ka ay kaman din iyat mo sin kabanolan ay gameng mo. Somalaknib ka sin payak mo

⁹ta adi omdas din kalaban ko ay mankakekedse, tan nay linmikob da et layden da ay pomse.

¹⁰Magay seg-ang da ya natangsit di kali da.

¹¹Enggay linmikob da, am-in ay emeyak yan wada da. Manseseed das mayat ay timpo ta pomse da.

¹²Kaman dan layon ay manseseed si kanen da, tan mantabon da ta manseed das doklosen da.

¹³Apo, din kalaban ko yan sangoem koma ta say abakem daida. Babaen sin kampilan mo, omisalakan ka sin mangam-amag si lawa.