Salmo 141:5-9

⁵Mabalin ay domosa ya bomagbaga din nalinteg gapo sin seg-ang da. Ngem adiak polos awaten din panangidayaw di makedse ay ipogaw, tan kanayon ay ikararag ko di maikontra sin lawa ay am-amagen da.

⁶Bigbigen to din kaipoipogaw ay tet-ewa din enak inbaga mo maitep-a sin deppas din tuturay da.

⁷Maiwalang din tong-a da sin labaw di kaot da, namekmek ay bato di kaiarigan da.

⁸Ngem sik-a, Yahweh ay Apok, di kanayon ay pantalkak, adi ka kod bomaybay-an, tan sik-a di pankamangak.

⁹Omilisi ka koma sin tagdey ay in-amag da, in-amag di laway nemnem da.