Salmo 125:1-4

¹Din mantalek en Apo yan kaman din dontog ay Zion ay komakaman si eng-enggana ya adi polos magon-gon.

²Nanliniked di dontog ed Jerusalem et kaiarigana din panalakniban Diyos sin ipogaw na ed wani ya si eng-enggana.

³Adi manturay si eng-enggana din mangam-amag si lawa sin daga ay para sin nalinteg di kabibiyag da tan into et mo din nalinteg yan man-amag da abes lawa.

⁴Bindisyonam koma, Apo, din siged di ogali da ya nalinteg di nemnem da.