SALMOS 125:1-4

¹Tlacame tlen motemachíaj ipan TOTECO itztoque neltemachme, queja nopa tepetl Sion tlen ax mojmolinía, huan ijcatoc cuali para nochipa.

²Queja Jerusalén quiyahualojtoque miyac tepetini para quimanahuise, queja nopa nojquiya TOTECO quinyahualojtoc itlacajhua huan quinmanahuía.

³Toteco ax quincahuilis ma tlanahuatica tlacame tlen fiero inintlalnamiquilis, pampa huelis itlacajhua tlen itztoque xitlahuaque nojquiya pehuasquíaj quichihuasquíaj tlamantli tlen ax cuali.

⁴TOTECO, xiquinchihuili tlen cuali tlacame tlen cuajcualme, huan tlen xitlahuac ininyolo moixtla.