SALAMO 30:1-8

¹Iehova e, aina heatolaimu, badina be oi ese vada o verigu isi; lau inaigu vada o rudia, basie kirikirilaigu.

²Iehova e, egu Dirava, na tai henimu, ba kahagu nato; bena oi ese o hamaurigu.

³Iehova e, lau laumagu na mase taudia edia gabu amo vada o hakaua dae; mase gabuna vada ela taudia bogaragidia amo vada o hamaurigu.

⁴Iehova ena helaḡa taumui e, ia ihanamolaina anedia bavabi, ia ladana helaḡana ba hanamoa.

⁵Badina be ena badu na e ore haraḡamu, a ena hahenamo na e hesiriumu ela bona mauri dokona. Taitai na reana baine hesiriu rani, a daba ai moale na baine vara lou.

⁶Lau be egu noho namo ai nato “Lau na basina marere ela hanaihanai”.

⁷Iehova e, emu hahenamo amo vada o haginigu, ororo aukana na heto; Oi vairamu o hunia, bena kudougu e hetaha.

⁸Iehova e, lau oi na tai henimu; Iehova enai na noinoi, nato