Psalms 30:1-8

¹(Temple nup sapara ko wur bo; David ko) Yawe, ani nika nip patawurikko; mu awuk, ani ikup ningi kaperem, bare ni aninga patawurem, se kari memek me aga eremon se kaparik se amilmilamonko.

²O Yawe, aninga Kaem, ani saonga ko kete airem, se ni aga sangem ale aga nungem.

³Ani kuera lage te, bare ni aninga sangaru taem, se ani me kua iwi namerem.

⁴Nina Yawe ko kariimet ningo, nina wur iluwal ale noko nup laili mu patawuralko.

⁵Mu awuk, noko gomang magara mu tom tukunangta ko aniso, bare noko gomang nangara mu tom pempem ko ani lagoso; tirom am nia mo laganakko, bare turomola mu amilmil yawara aking ariginakko.

⁶Yawe, tom ani terong baga se mu, ani balem, “Mel bo me ta aga yukuokko,” maem;

⁷tom ni ani ago ko terong bitakasam, mu ani duruk aora bo iwita sanamiwakasam; bare tom ni ani ago ko kema kaluwurem, mu ani ninguru tala nguangakasam.

⁸Buta se Yawe, ani nika aurem, ale nika gemang lila ko niara wosenga beterem,