La Bu 30:1-8

¹Pakai nangin neihuhdohtahjeh in kahin thangvah e. Nangin kagalmite kachunga nakithang at sahpon ahi.

²O Pakai kapathen panpi ngaichan kahin kouvin nangman katahsa nakiledoh sah tai.

³O Pakai nangin lhankhuh a kon in neihin puidoh in, thina kokhuh akalhah lutna dinga kon in jong neihoidoh sah e.

⁴Nangho Pathen mite jousen Pakai thangvahna lasaovin! Amintheng chu choi an’un.

⁵Ajeh chu alunghan hi phat chomcha bou ahijin, ami hepina vang hinkhoa ding ahi. Ka na nikho ho jong kipanin ajui pai jitai.

⁶Keiman ka phatthei nikhon, “Imachan eisutang jou ponte!” kanati.

⁷O Pakai nami hepinahin muol bangin eisudettai. Keija kon a nakiheimang jitenglehkeima kading jou jipoi.

⁸O Pakai nahenga kahung tao ahi. Nami hepina chu kathum in hitin kaseije,