SALMOS 30:1-8

¹TOTECO, nimitzhueyitlalía pampa tinechtlalanqui tlen más tlatzintla. Ax tiquincahuilijtoc nocualancaitacahua ma noca paquica.

²TOTECO, nimitztlajtlani motlapalehuil para xinechchicahua quema nimococohuayaya, huan ta tinechchicajqui.

³TOTECO, tinechmanahui quema niitztoya para nimiquis. Tinechmacac noyolis sampa, huan yeca ax niitztoc ostoijtic.

⁴TOTECO, nochi moaxcahua ma huicaca tiohuicatl moixtla. Ma mitzhueyichihuaca ta tlen titlatzejtzeloltic.

⁵TOTECO, quema ticualani, san elis para se tlalochtli, pero ipan nochi tonemilis titechnextilía para tijpiya hueyi moyolo tohuaya. Yonque tojuanti quemantzi tichocaj ica tlayohua, ica ijnaloc tijpiyaj paquilistli ipan ta.

⁶Quema cuali niitztoya huan ax tleno nechpolohuayaya, nimoilhui axaca huelis nechtlanis.

⁷TOTECO, ica moteicnelilis titechquetztoya cuali queja se hueyi tepetl tlen axaca hueli quiolinis. Pero teipa, timoixtlati ica na huan nimajmajcamiquiyaya.

⁸Huan nimitznotzqui, TOTECO. Nimitztzajtzili para xinechtlasojtla.