SAAMUNƆ 72:9-18

⁹Borii kɛ̀ aↄ̃ↄ kú gbáa guunↄ é mↄ́ wà kúɛnɛ, à ibɛɛnↄ é daɛ ń puua à aɛ.

¹⁰Taasisi kína kↄ̃n ísia baa kínanↄ é tángba kpáa, Seba kↄ̃n Sɛba kínanↄ é mↄ́ wà gba danɛ.

¹¹Kínanↄ é mↄ́ wà kúɛ à aɛ ń píngi, bori píngi é zↄ̀ blenɛ.

¹²Zaakɛ eé wɛ̃ndadee kɛ̀ aↄ̃ wiii dↄↄnↄ bↄmɛ, eé takaasidee kɛ̀ aↄ̃ↄ dↄnlɛri vĩroonↄ mì sí.

¹³Eé gbãasaideenↄ wɛ̃nda gwa, eé takaasideenↄ bↄ gaa lɛ́zĩ.

¹⁴Eé ń bↄ gbãamↄnnɛrinↄ ↄzĩ kↄ̃n gbɛ̃ pãsĩnↄo, zaakɛ à ye ń arukwɛɛnaziro.

¹⁵Luda kína dↄ̃ kↄ̃n aafiao! Wàgↄ̃ à gbaa Seba bùsu vura, wàgↄ̃ adua kɛɛnɛ yãana sai, wàgↄ̃ sa maaa oonɛ gurↄ píngi.

¹⁶Ǹ tó burapↄnↄ kɛ à bùsun maamaa, à lánↄ gↄ̃ da sĩ̀sĩnↄ musu sí plɛ̀plɛ, aↄ̃ nɛ́ i wà pia lán Lɛbanↄ lákpɛ bà, aↄ̃ gbã lán kàbapu bà sɛ̃̀tɛ.

¹⁷Ǹ tó à tↄ́ gↄ̃ kuu gurↄ píngi lán ↄfãntɛ̃ bà, bori píngi é aubarika e à gãzĩ, wé à tↄ́ nnaa sí.

¹⁸Aubarikadeen Dii Luda, Isarailinↄ Luda! Àmbe è yãbↄnsaɛnↄ kɛ ado.