SAAMUNƆ 35:1-12

¹Dauda lɛ̀. Dii, ǹ íbɛtɛ kpá kↄ̃n ma ibɛɛnↄo, ǹ zĩ̀ ká kↄ̃n gbɛ̃ kɛ̀ aↄ̃ↄe zĩ̀ kaamaonↄ.

²Ǹ n sɛngbango kↄ̃n n gↄ̃kɛbↄnↄ sɛ́ɛ, ǹ fɛɛ ǹ dↄmalɛ.

³Ǹ n sári kↄ̃n n fɛ̃ɛdaao sɛ́ dↄ, ǹ fɛɛ gbɛ̃ kɛ̀ aↄ̃ↄe ma gbɛsɛɛnↄzi. Ǹ bemɛ ma mìsirin n ũ.

⁴Gbɛ̃ kɛ̀ aↄ̃ↄe ma wɛtɛɛ wà ma dɛɛnↄ, ǹ tó aↄ̃ kpɛɛ li, wí ń kũ. Gbɛ̃ kɛ̀ aↄ̃ↄe à zaaa gↄ̃gↄ̃maziinↄ, ǹ tó aↄ̃ fua, mà ń kpɛɛ e.

⁵Aↄ̃gↄ̃ dɛ lán ése ũkã kɛ̀ ĩa sɛ̀ɛ bà, Dii Malaika pɛ́ḿma.

⁶Aↄ̃ zɛ́ gↄ̃ gusiaa ũ kↄ̃n gu zãɛo, Dii Malaika ↄ yĩpańzi.

⁷Zaakɛ aↄ̃ wɛ̀ɛ yↄ̃̀mɛ pã, mɛ́ɛ yãke kɛńnɛro, ben aↄ̃ bà kpàkpamɛ.

⁸Ǹ tó mↄ́nzi ń le à kɛńnɛ ásaru ũ, ǹ tó bà kɛ̀ aↄ̃ↄ kpàkpamɛɛ ń kũ, aↄ̃ lɛ́ɛ wɛ̀ɛ kɛ̀ aↄ̃ↄ yↄ̃̀ pì guu.

⁹Ma pↄↄ é gbasa à kɛ Diia nna, mɛ́ pↄnnaa kɛ kɛ̀ à ma mì sì yãnzi.

¹⁰Mɛ́ be kↄ̃n nↄ̀sɛo do, Dii, dé bé à dɛ lán n bà? Nɛɛ̀ takaasideenↄ sí gbãamↄnnɛrinↄa, nɛɛ̀ wɛ̃ndadeenↄ bↄ ń wɛ́ɛtãmmarinↄ ↄzĩ.

¹¹Sèeda ɛgɛdeenↄ è fɛɛmazi, aↄ̃è yã kɛ̀ má à yã dↄ̃roo lalama.

¹²Aↄ̃è à maaa fĩa bomɛ kↄ̃n à zaaao, ben ma gↄ̃ gbɛ̃ miradodee ũ.