Romu 6:1-11

¹Hagi tagra na'ane huta hugahune, mago'ane kumira nehanukeno Anumzamo'a asunku hurantevava hugahio?

²I'o anara osutfa hugahie. Tagra kumi'ma huzampina ko fri'none, nahigeta kumipina manita neone?

³Hifi Jisas Kraisi enema mikamota hagerefita mono ti freankna huta friteta, oti'nazana tamagra ontahinazo?

⁴E'ina hu'negu tagra mono tima fronazamo'a, Kraisi ene frunke'za aserente'naze nehie. Hagi Kraisima fripintima azeri oti'neaza huno, Nefa'a Agra'a hankave'anu fripintira tazeri otine. Higeta tagranena kasefa manizampi mni'none.

⁵Tagrama Kraisi ene hagerafita frinonema hanuta, anahukna huno tagri'enena tazeri'otisigeta tasimura erigahune.

⁶Tagra antahinone kumi tavutavazana Jisasi'ene rugeka zafare hantigeno, kumimofo hankavea tagripintira eritrene. Tagra mago'ane kumimofo kazokzo eri'za vahera omani'none.

⁷Na'ankure iza'o fri'nemo'a, kumimofo kinafintira katufentegeno fru huno mni'ne.

⁸Hagi tagra Kraisi'ene frisuta, tamentintima hunana tagranena Kraisi'ene manigahune.

⁹Tagra ama ana zankura antahi'none. Na'ankure Kraisi'a fripintira oti'neankino, mago'anena ofrisigeno fri'zamo'a kegva huontegahie.

¹⁰Agra magoke zupa frino kumimofo hankave eritrene. Hu'neanagi Agra menina asimu erino mni'neankino, ete mago'enena ofrigahie.

¹¹Hagi tamagra 'a refko huta antahiho, ko kumimofo hankavefintira fri'none huta nehuta, Kraisi Jisasimpi, Anumzamo'ene kasefa huta mani'none huta hiho.