Rom 6:1-11

¹Te koinih balae n'thui uh eh? Lungvatnah a pungtai sak ham tholhnah khuiah om uh sih a?

²Om mahpawh, u khaw tholh ham te n'duek uh atah metlamlae te khuiah n'hing uh pueng eh.

³Khrih Jesuh ah aka nuem rhoek boeih tah a dueknah dongah n'nuem uh te na mangvawt uh a?

⁴Te tlamte pa kah thangpomnah loh duek lamkah Khrih a thoh vanbangla mamih van khaw hingnah a thai ah pongpa ham a dueknah khuiah baptisma loh boeipa neh m'vuei coeng.

⁵A dueknah mueisa la n'om tun atah a thohkoepnah dongah khaw n'om uh van.

⁶He he ming uh saw. Mamih kah hlang rhuem tah a tai coeng te ta. Te daengah ni tholhnah pum he a thup vetih mamih loh tholhnah kah sal m'bi pawt eh.

⁷Aka duek tangtae tah tholh lamkah n'tang uh coeng.

⁸Tedae Khrih neh n'duek uh atah amah neh n'hing uh van ni tila n'tangnah uh.

⁹Duek lamkah aka thoo Khrih tah duek voel pawt vetih dueknah loh anih te tulnoi pawh tila m'ming uh.

¹⁰A duek te tholh ham duek bangtlang tih a hing he Pathen ham ni a hing.

¹¹Te dongah nangmih khaw tholh ham tah aka duek la, tedae Pathen ham tah Khrih Jesuh ah aka hing la om ham namamih neh namamih te poek uh.