Romu 10:9-17

⁹Hagi tamagra'ma tamagipinti huama huta Jisasi'a Ramo'e nehutma, Anumzamo fripinti Jisasina azeri oti'ne huta tamagu'areti tamentinti hanageno'a, tmaguvazigahie.

¹⁰Na'ankure tamagu'areti tamentinti hazageno, Anumzamo'a fatgo vahere nehigeta, tamaginuti huama nehazageno, tamahokera nehie.

¹¹Avontafemo hu'nea kante, Iza'o Agrite amentinti hanimofona agaze huontegahie hu'ne. (Ais 28:16)

¹²Na'ankure mago'zamo'a Jiu vahe'ene megi'a vahe'mokigizmi amu'nonpina ruzahura osu'ne. Magoke Ramo ana mikamokizmi Rana mani'neno, Agritegama kezamatiza vahera rama'a asomu hunezmante.

¹³Na'ankure iza'zo Ramofo agima ahesaza vahera zmaguvazigahie. (Jol 2:32)

¹⁴Hagi zamentintima hunontesamoza, inankna hu'za zmaza hinogura antahigegahaze. Hagi inankna hu'za Agri agenkema ontehinesu'za zmentintia hugahaze? Hagi agenke ama huamahu vahema omninesigeno'a, inankna huno antahi amara hugahie?

¹⁵Hagi kema erino ome huama hu vahema humaozmante'snage'za inankna hu'za mono kea huamara hugahaze? Knare musenkema eri'zama aza vahe'mokizmi zmagamo'a hentofaza hu'ne huno Avontafepi krente'ne. (Ais 52:7)

¹⁶Hu'neanagi ana maka vahe'mo'za knare musenke e'ori'naze. E'inanku kasnampa nemo' Aisaia huno, Ramoka iza ama ana kemofontera amentintia hugahie hu'ne? (Ais 53:1)

¹⁷E'ina hu'negu vahe'mo'za ke nanenke nentahizageno zamentintia erionetie nehaze. E'i ana kea Kraisi knare musenke me'ne.