Romawa 3:9-26

⁹Angye naki, ki no tumbu sen nyu'u? Ana he naki na don ki guchi tre Yahuda baba Hllinawa ye ndi tre ndi wawu mbawu ba he ni mi lahtre.

¹⁰Na ba nha, ba ndji u njanji, iriri na he na.

¹¹Ba ndji wa a toh kpie, ba wa'a ni wa Irji.

¹²Wawu mbawu ba kankon don, wawu mbawu ba kma tibi wa bana he ni anfani na. Ba wa ani tie ndu ndindima, a'an iriri na he na.

¹³Gbugbran mba he ni ho na be, Ilbe mba a ban lilo, Itso wan a he ni mi lbe mba.

¹⁴Inyu mba a shu ni la'ah ni ri gberjerje me.

¹⁵Izah mba ni tsutsu gbagbla ni ka yi hle

¹⁶Inkon mba ahi yah ni tie meme.

¹⁷Ndji biyi bana toh nkon sun u si na.

¹⁸Bana he ni klu sissri Irji ni shishi mba na.

¹⁹Naki ki toh ndi du kpie wa itron a tre, itro ani tre ni bawu wa ba he ni mi ma, don duba ka iyu mba wawu, naki gbungblu a wawu'u ka no amsa ni shishi Irji.

²⁰Naki ni shishi ba ndji wa ba kpa chuwo ni tu ndu tron. Nitu tron, toh lah tre aye.

²¹Naki zizan'a nitu tron ba tsro toh njanji Irji wa itron ni annabawa basi hla.

²²Naki ndindi Irji ahi njanji nimi Yesu Almasihu hi ni biwa ba kpa nyime ni njanji. Naki, kakan na he na.

²³Naki, wawu'u mbawu ba lah tre, bana ya ka hi ni daraja Irji,

²⁴ni ndindima ba kpa ta chuwo ni tu kpachuwo wa'a he ni mi Yesu Almasihu.

²⁵Aman Irji a ban Yesu Almasihu no wa ahi hadaya u kpachuwo u njanji nimi iyi ma. A ban Almasihu na nimatsayi tabbacin hukunci ma, nitu ketarewa lah tre mbu wu kogon'a.

²⁶Nimi vu suron ma, naki i wa yi ati ndu tsro ndindima nimi toh i du kpanyime ni tuma u hukunci, nda tsro wawu hi u kpa konha chuwo saboda, njanji wa ahe nimi Yesu.