ROMA 7:7-19

⁷Bena dahaka baitato? Taravatu na dika a? Lasi vaitani. Taravatu basinema hadibagu, lalogu basinema parara kara dika be dahaka. Bona taravatu basinema haduagu “Basio hekise-hekise”, lalogu na basinema parara hekise-hekise be dahaka.

⁸A taravatu ena hahedua dainai dika ese hekisehekise idau-idau lalogu ai e havara; badina be taravatu bema lasi, dika bema mase.

⁹Gunaguna lau na taravatu murimurinai na mauriva; a haheḡani egu ai e kau, bena kara dika e vara lou, a lau na na mase.

¹⁰Taravatu na mauri ḡauna e tomamu, a lauegu ai ia na mase ḡauna ai ela;

¹¹badina be dika ese haheḡani amo e koigu bona e alagu mase.

¹²Taunabunai, taravatu na helaḡa, haheḡani danu helaḡa bona maoromaoro bona namo.

¹³Matogana, ḡau namona na mase ḡauna ai egu ai e laomu a? Lasi vaitani. A kara dika ena dika baine hedinarai totona, ḡau namona na mase ḡauna ai egu ai e halaoa; bena haheḡani ena amo kara dika toana baine hedinarai, ia na dika vaitani.

¹⁴Dibada taravatu be lauma ena; a lau be tau-anina ena, kara dika ese vada e hoigu, ena hesiai ai vada e halaogu.

¹⁵Lau na karamu karadia na asi dibagu: badina be na ura henimu karadia na asina karamu, bona na inai henimu karadia na karamu.

¹⁶A asina ura heniamu karana na karaiamu negana ai, lau ese taravatu na maorona na gwauraiamu.

¹⁷Ḡau tamopna, kiarana na dia lau, a dika lalogu ai e nohomu hari.

¹⁸Lau dibagu lau na asi egu namo tau-anigu ai, badina be lalogu ese kara namo e ura henimu, to ikarana asina heḡereḡere.

¹⁹Na ura heniamu karana namona na asina karaiamu, a asina ura heniamu karana dikana be na karaiamu.