رْ مَ 7:7-19

⁷وٌن قَ نَ مَ دِ؟ سّرِيّ قِندِشِ يُنُبِ نَن نَ؟ عَستْقُلَهِ! سّرِيّ نَن عَ نِيَ ﭑ شَ يُنُبِ كٌلٌن، بَرِ مَ ﭑ مُ مِلَنتٍيَ كٌلٌنمَ نُ شَ سّرِيّ شَ مُ عَ قَلَ ﭑ بّ نُ، «عِ نَشَ مِلَ.»

⁸كْنْ يُنُبِ نَشَ قّيرّ سْتْ يَامَرِ رَ، عَ مِلَنتٍيَ مْولِ بِرِن نَسٌ ﭑ بْحّ مَ، بَرِ مَ سّرِيّ مُ نَ دّننَشّ، يُنُبِ قَن مُ لُمَ نَا.

⁹سِنفٍ رَ ﭑ نُ بَلٌشِ سّرِيّتَرٍيَ نَن كُي، كْنْ سّرِيّ تٌ قَ، يُنُبِ نَشَ بَلٌ ﭑ بْحّ كُي قَ، عَ ﭑ قِندِ قَشَمِشِ رَ.

¹⁰يَامَرِ نَشَن نُ لَن عَ شَ قِندِ كِسِ رَ، نَ نَشَ قِندِ ﭑ بّ قَشّ رَ،

¹¹بَرِ مَ يُنُبِ تٌ قّيرّ سْتْ يَامَرِ رَ، عَ نَشَ ﭑ مَيٍندٍن، عَ ﭑ قَشَ يَامَرِ سَابُي رَ.

¹²نَ كُي، سّرِيّ سّنِيّن، يَامَرِ قَن سّنِيّن، عَ تِنشِن، عَ مَن قَن.

¹³وٌن شَ عَ قَلَ قَ، عَ قٍ قَنيِ بَرَ قِندِ قَشّ رَ ﭑ بّ؟ عَستْقُلَهِ! يُنُبِ نَن قِندِشِ قَشّ رَ ﭑ بّ قٍ قَنيِ سَابُي رَ، عَلَكٌ يُنُبِ شَ مَكّنّن يُنُبِ رَ، عَ شَ مِنِ عَ يُنُبِ كِ يَتِ مَ يَامَرِ سَابُي رَ.

¹⁴وٌن عَ كٌلٌن عَ سّرِيّ كٍلِشِ عَلَ نَن مَ، كْنْ ﭑ تَن قِندِشِ عَدَ مَدِ نَن نَ، يُنُبِ شَ كٌنيِ.

¹⁵ﭑ نَشَن نَبَمَ، ﭑ مُ عَ يَ يٌ كٌلٌن، بَرِ مَ ﭑ وَ مَ ﭑ شَ نَشَن نَبَ، ﭑ مُ نَ شَ رَبَمَ. ﭑ قٍ نَشَن شْنشِ، ﭑ نَ نَن يَتِ رَبَمَ.

¹⁶شَ عَ سَ لِ ﭑ قٍ رَبَمَ ﭑ مُ وَ مَ ﭑ شَ نَشَن نَبَ، نَ عَ مَسٍنمَ نّ عَ ﭑ بَرَ لَ عَ رَ عَ سّرِيّ قَن.

¹⁷نَ كُي، ﭑ تَن يّتّ يَتِ شَ مُ يِ قٍ رَبَقٍ. يُنُبِ نَشَن نَ ﭑ بْحّ مَ، نَ نَن عَ رَبَقٍ،

¹⁸بَرِ مَ ﭑ عَ كٌلٌن، عَ قٍ قَنيِ يٌ مُ نَ ﭑ بْحّ مَ ﭑ يّتّ قَتٍ بّندّ تَن كّحَ مَ. نَتّ نَ ﭑ بّ ﭑ شَ قٍ قَنيِ رَبَ، كْنْ نْي مُ نَ ﭑ بّ ﭑ شَ عَ رَبَ.

¹⁹ﭑ وَ مَ قٍ قَنيِ نَشَن نَبَقٍ، ﭑ مُ نَ شَ رَبَمَ. ﭑ مُ وَ مَ قٍ كٌبِ نَشَن نَبَقٍ، ﭑ نَ نَن يَتِ رَبَمَ.