Revalesen-Hufo Hu'ne 2:9-28

⁹Nama'agna kazeri haviza nehazageno, kamunte omne'neana Nagra antahi'noe. Hianagi kagra tusia feno vahe mni'nane, zamagrama Jiu vahe mni'none nehazanagi, zamagra Jiu vahera omni'naze. Hianagi zmagra Sata naga mani'naze.

¹⁰Hanki ko, kagrama knazampi ufresnana knamo'a kofta nehianki korera osuo. Sata'a hanige'za mago'a nagatamia avare'za kina hunente'za, reramahe'za kesageta 10ni'a gnamofo agu'afi knazana erigahazanki, kazigazi huta nevuta ome frisagena, Nagra asimu erino mni fetori tamamigahue.

¹¹Izano agesama me'nenigeno netahisimo'a, Avamu'mo'ma mono nagate'ma huama'ma nehia kea antahise hino, Iza'o ha'ma agateresimofona, anante frizamo'a azeri havizana osugahie.

¹²Hagi Pegamam kumate nemaniza mono nagamokizmi ankeromofona amanage hunka krezamio, tarega kaziga asanenea kazima eri'nea ne'mo amanage nehie.

¹³Nagra antahi'noe, Sata'ma kini tra anteno mani'nea kumate mani'nenka, Nagri nagima azeri hanavema'tinanana, Sata'ma mani'nere'ma mni'nankeno, Nagri naneke huama nehia ne'ma, Antipasina tamagri amu'nompinti avare'za ahe'naze. Ana hazanagi tamagra Nagrite'ma tamamentintima hu'naza zana otretfa hu'naze.

¹⁴Hianagi Nagra osiazanku kea kagrikura huza hue, na'ankure mago'amo'za Baramu'ma rempima Barakima humino, Israeli vahema kumi hihogu zmazeri trakama hukema huno, havi anumzante kre sramna vuntenaza ne'za nene'za, monko avu'avazama hihoguma hu'neazana kagra antahinane.

¹⁵Anahukna hu'za Nikolasi'ma rempima hurami'nea kea amu'nontamifina mago'amo'za azeri'naze.

¹⁶E'ina hu'nagu tamagu'a rukrehehiho, anama osanagena ame hu'na e'na, nagipima asane kazima me'nea kazinu, eme ha' huzmantegahue.

¹⁷Izano agesama me'nenimo'a Avamumoma mono nagamofo nesamia naneke antahise hino. Ha'ma agateresimofona, framakinea mana ne'za mago'a nemina, magora efeke have nemina, agi'a ana havere krentenugeno, rumo'a ana agia ontahigahianki, ana havema erisimoke, ana agia antahigahie.

¹⁸Taiataira kumate nemaniza mono nagamokizmi ankeromofona amanage hunka kremio, Anumzamofo mofavremofona avurgamo'a teve anefakna nehigeno, agamo'a pehe huno bronsi havegna huno marave marave hu'nemo'a anage hu'ne.

¹⁹Nagra kavukvama hanana antahina ke'na hu'noe. Kagra kavesinenantenka, vahe'mokizmia kavesi nezmantenka, kamentinti nehunka, erizama e'nerinka knazama ne-egenka kazigazi nehunka, ese knama kamentintima hu'nanazana, menima hana kamentintimo'a agatereno so'e zantfa hu'ne.

²⁰Hianagi Nagra anage hu'na hanaveti'na keaga hugantegahue. Jesebelina kasnampa a' mni'noe nehia ara atrankeno, kagrane mani'neno, kazokazo eriza vaheni'a rempi hunezamino, zmavreno havi kante nevige'za, monko avu'avazana nehu'za, havi anumzante kresramna vunte'nea ne'zana ne'naze.

²¹Nagra mago'a knaza ami'na, monko avu'avama nehiazana agu'a rukrehe hanie huanagi, agra agu'a rukrehera osu'ne.

²²Keho, Nagra kri ami'nugeno, kri tafete masegahie. Agranema monko avu'avazama nehaza vahe'mo'za, anama nehaza zankuma zmagu'ama rukrehema osnazana, rama'a knazampi ana a'ene ufregahaze.

²³Nagra ana a'mofoma amage'ma nentaza vahera zmahe fri'nena, maka mono vahe'mo'za ke'za antahi'zama hanazana, maka vahe'mofo antahizane, zmagu'zmagesa nege hu'za nehanage'na, magoke magokemozama zmavu'zmavama hanare, mizana zamitere hugahue.

²⁴Hanki mago'a Taiataria mni'nazamota Jesebelima rempi huraminea kea amagera nontetma, rempima huraminea kea azenoritma, Satana oku'a antahintahia nontahitma, zamagrama hu'naza zana osu'nazankina, Nagra mago'a knazana ontamigahue.

²⁵Ana hu'negu nazano menima azerinana zana azeri hanavetinege'na, Nagra a'neno.

²⁶Iza'o ha'ma agatenereno, Nagri navunava huno vgare knarema vanimofona, anamofona Nagra hanave amisugeno, rama'a vahe kegva krizmantegahie.

²⁷Ana nehuno agra kini vahe'moma e'neria aeni azotareti, mopa kavoramima rufuzafu'peankna huno vahetamina kegva hugahie. Nagrama Nenfantegatima vahe'ma kegva hu hanavema, eri'noankna hanave erigahie.

²⁸Ana nehanige'na Nagra nanterama remsa nehia ofuna amigahue.