1Anantera ankeromo'a mago ra tina avu sese huno klasigna hu'nea asimu eri tina naveri higena kogeno, Anumzamofone Sipisipi anentamofo kini trapinti hanatino ne-eno,
2ana rankumamofo amunompi nevigeno, ana timofo ruga raga ankenarega asimu eri zafa me'neno, mago'mago ikantera rga rentetere nehie. E'i 12fu'a zupa rga renente. Ana zafamofo asinamo'a, mika kumate vahera zmazeri knamaregahie.
3Ana kumapina magore huno zmazeri havizama hu'zana omnena, Anumzamofone, Sipisipi anentamofo kini tramoke'za me'nena, kazokzo eri'za vahe'amo'za monora huntegahaze. (Jen-Agf 3:14-19)
4Ana vahe'moza Agri avugosa negenageno, Agri agimo'a kokovi zmire megahie.
5Hanki ana kumapina hanima hu'zana omnetfa hanigeno, lamumofo msane, zgemofo masagura ontahitfa hugahaze. Na'ankure Ra Anumzamo Agra'a tvi msa'a, ana kumamofona manino remsa huzmantenige'za, zamagra kva vahe mni'vava hugahaze.
6Hanki anante ana ankeromo anage huno nasmi'ne, ama nanekemo'a tamage hu'neankino maka vahe'mo'za zmentinti hugahaze. Kasnampa vahe'mokizmi avamuzmimofona, Ra Anumzamo ankeroma'a huntegeno, Agri kazokazo eri'za vahera maka'zama ame huno efore'ma haniaza eme zmaveri hu'ne.
7Hanki antahiho, Nagra ko egahue, iza'o ama avontafepi me'nea kasnampa kema antahino amage antesimo'a, muse hugahie.
8Nagra Joni'na ana maka'zana nentahina avanagnaza kenomona, ana zama negena nentahi'nama hute'na, naverima hia ankeromofo agafi, narena rena mono hunte'naku hu'noe.
9Hianagi ana ankeromo anage huno nasamine, e'inahura osuo, Nagrane kagranena magozahu huta Anumzamofo eriza vahe manineno'e. Kasnampa negafu'zane, ama avontafepima me'nea nanekema nentahiza amage'ma nentaza vahe'enena eri'za vaheke mni'none. Hanki Anumzamofonke monora hunto huno hu'ne.
10Hanki anantera anage huno nasami'ne, ama avontafepi me'nea kasnampa nanekea refiraoto, na'ankure knamo'a hago kofta nehie.
11Hagi iza'o havi avu'avazama nehimofona atregeno havi avu'avazana huno vino, iza'o pehena avu'avazama nehanimofona, atregeno pehena avu'avaza huno vino, iza'o fatgo avu'avazama nehanimofona, atregeno fatgo avu'avaza huno vino, iza'o ruotgema hunenimo'a, atregeno mni ruotge huno vino.
12Higeno Jisasi'a anage hu'ne, Antahiho, Nagra ame hu'na mizana eri'nena egahuankina, maka vahe'mo'zama nehanaza zmavuzmavate mizana eme zamigahue.
13Nagra'a esera manina (Alfa) vgare mni'noe. (Omega), Nagrani'a agafahu mni'na, vgarera mni'noe hu'ne.
14Kukenazmima sesema hanamo'za muse hiho, anama hanageno'a hu izo huzmantenke'za, asimu eri zafa rga nene'za Anumzamofo rankumamofo kafantetira ufregahaze.
15Hagi avuatga ha' nehza vahe'mo'zane monko'za nehaza vahe'mo'zane vahe zmahe nefriza vahe'mo'zane, havi anumzante mono hunentaza vahe'mo'zane, krunage huzanku zmavenesiza, krunage nehaza vahe'mo'zane, kragna vahe'mo'za ana kumapi ovu'za fegi'a manigahaze.
16Nagra'a Jisasina ama anazana ankeroniamo, huama huno mono kevumota tamasamihogu hunte'noe. Nagra'a Deviti naga nofimofo agafa mni'na, Nagrani'a nanterama remsama nehia ofuna mni'noe.
17Hagi Avamu'ene, Sipisipi anentate'ma vema erinakuma nehimo'a eno nehaku, ama nanekema nentahisimo'enena, eno hina, tinkuma avenesinimo'a eno hina, mizama'a omne asimu eri tinkuma avenesinimo'a, amane emerino.
18Ama avontafepi me'nea kasnampa naneke nentahiza vaheku nagra huama nehue, iza'o mago'a omnenenia kasnampa kema avrentesimofona, ama avontafepima knazanku'ma krente'nea ke'mo'a, agrite efore hugahie.
19Hagi mago vahe'mo'ma ama kema avontafepi me'nea eri atresimofona, Anumzamo'ma asimuma eri zafa rgaguma negahie huno hu'neana oneno, Ruotge hu'nea rankumaku'ma ama avontafepi krente'nea kumapina uofregahie.
20Amama ana naneke huamama nehimo'a huno, Izo Nagra ko ame hu'na egahue. Tamage. Ramoka Jisasiga eno.
21Ranti Jisasi asunkuzamo'a makamotma tamagrane mesie. Tamage.
