Text copied!
CopyCompare
Anumzamofo Ruotage Avontafere - Revalesen-Hufo Hu'ne

Revalesen-Hufo Hu'ne 18

Help us?
Click on verse(s) to share them!
1Anazama fore'ma hutegeno, mago monafinti tusi'a hanave eri'nea ankeromo'a eneramigena kogeno, msa'amo'a mopafina remsa hu'ne.
2Hanki agra hanavege huno, tusi'a Babiloni kumamo'a evuramie, evuramie! Ana a'mo'a havi hankromo'za mani kuma tro nehigeno, maka agru osu avamu tamimo'za kina hanaza kuma fore nehuno, maka agru osu nma zgamo'za mni'naza kuma fore nehuno, agru osu afi zgamoza mni'naza kuma fore hu'ne.
3Na'ankure maka kumatamimpi vahe'mo'za monko avu'avazama'a, waini tima neaza hu'za kapu'afinti nene'za, negi ne'nazage'za mopafi kini vahe'mo'za ana a'ene monko avu'avaza nehazage'za, ama mopafi vahe'mo'za, ana a'mofo monko avu'avazama'areti tusi'a feno (bisinisi) vahera tro hu'za mani'naze.
4Ana hutegena mago ageru monafinti arigena antahugeno, anage hu'ne, vahe'nimoka ana ara atrenka atineraminka, kumira ana a'enena nehunka agranena knazama'a e'orio.
5Na'ankure ana a'mofo kumimo'a, aviteno monafi mrerigeno, Anumzamo'a ana a'mofo havi avu'avazama'amofona agesa antahine.
6Ruga'amokizmima huzmante'nea kante antenka ana ara nona hunentenka, avu'avazama hu'nea kante antenka, mago'ene erinteguhenka nona'a hunentenka, ana a'moma waini kapu tima eri havia hu'nea kapufi mago'ane eriante aguhenka erihavia humio.
7Ana a'mo, agra'a agi erisaga nehuno, rama'a monko avu'avaza nehuno, ruga'a havi avu'avazana hu'ne. Anama hu'nea havi avu'avazama'amofo avamente atazana aminkeno, rama'a zavi ateno. Na'ankure agra'agura anage nehie, kuini manina, kuini trate mni'noankina, kento a' knara osuna, zavira otegahue hu'ne.
8E'ina hu'negu magoke zgefi, knazana enerino, kria enerino, zavira netena, tusi'a agate'za agritera fore nehina, agrira (Babilonia) tevemo'a te fanane hugahie. Na'ankure tusi'a hanave'ane Ra Anumzamo, agrira refko hu'neankino haviza hugahie.
9Ama mopafi kini vahe'mo'za, ana a'enema havi avu'avaza nehu'za, ana havi avu'avazampi agrane knare huta mni'none nehaza vahe'mo'zama, ana a'ma terasagesia teve tokimoma mrerisige'za negenu'za, krafa hu'za zavira atentegahaze.
10Ana a'ma azeri haviza haniazanku kore huza afete otine'za anage hugahaze, tasunku hune tasunku hune, Babiloni hanave rankumakura na'ankure magoke knafi haviza hie.
11Mopafi vahe'mo'za zgonu mizaseza zgore netraza nagamo'za (bisinisi) ana a'mo'ma havizama hiazanku zavite'naze. Na'ankure vahe'mo'za fenozazmi magoane miza osegahaze.
12Ana fenozana e'i koline, silvane, mreri havene, periema nehaza zane, knare zaza tavravene, fitunke tavravene, silkare tavravene, koranke tavravene, maka sitroni nehaza mananentake zafareti tro hu'naza zantamine, elefanti afumofo ave'areti troma (ivori) hu'naza zantamine, mizama'amo mrerinea zafareti tro hu'naza zantamine, bronsie nehazazane, aenine, mabolie nehaza havene,
13zarafune (sinamon), mananentake zane, neza eri hagahu aka nezane, tevefi krazageno knare mna neviazane, zmavufare nefraza mananentake masavene, knare manavu zafarine (frenkinsens), wainine, olivi masavene, flaua'ene, witine, kaontamine, sipisipiramine, hosi afuzgane, karisine, zmasimu eriza mni'naza kazokzo eriza vahera, izaza miza segahaze.
14Hu'za nehu'za ana vahe'mo'za amanage hugahaze, Babiloni kuma'moka knare'zama erifore'ma nehana zanku'ma kvenesiazane, mrerisa nomnizama nemaninazamo'a kagripintira fanane hiankiza, vahe'mo'za ana knare'zanka'a onkegahaze.
15Ana a'mofontema zgore atre'za ra zgoma tro'ma huza feno vahe'ma nesaza vahe'mo'za, afete'are otiza manigahaze. Na'ankure ana a'moma atama eri'neazanku kore nehu'za zavira nete'za,
16anage hu'za, tasunku hune, tasunku hune, knare ran kuma, ana a'mo'a knare zaza efeke kukena nehuno, fitunke'ene koranke'ene, avasesezama kolireti'ene, mrerisa havereti'ene, periema (pearls) nehaza zane, eri hankre'neane,
17na'ankure tusi'a fenomo'a mago auafi amnezankna hie! Ana higeno maka ventemofo azerino (kepten) nevia vahe'mo'zane, ventefi maniza nevaza vahe'mo'zane, ventefi eriza vahe'mo'zane, hagerimpi zantetima zgoma eri'za nomnizama retroma hu'za nemaniza vahe'mo'za, afete oti'za mni'neza,
18ana a'mofoma tegasagea teve tokima nege'za, zavira nete'za anage hu'za, ina rankumamo amanahu rankumakna hugahie? hu'za hu'naze.

19Hagi ana nehu'za kugusopa kate'za zamanunte netreza ranke hu'za, zavi krafa, nehu'za anage hu'naze, tasunku hune tasunku hune rankumamofonkura, maka feno vahe'mo'za ventema antene'za ana a'mofompintima feno vahema nemniza zamo'a magoke auafina ana maka fenomo haviza hie.
20Monamokane, Anumzamofo nagamotane, aposol nagamotane, kasnampa nagamotanena muse hiho, na'ankure ana a'mo'ma tamagrima tami'nea knazantera Anumzamo'a refko huno mizama'a nona huno nemie.
21Anantera tusi hanavenentake ankeromo, witi refuzafu nepeankna ra have erino hagerimpi matevu netreno anage hu'ne, havema atreankna huno Babiloni rankumara azeri haviza hugahiankita, mago'ene onkegahu'ne
22Ana kumara fanane hinkeno, zavenama ahe vahe'ene konkene ufene, zavenagna musikima nehaza (harp) vahe'mo'za mago'ane nehesagenka ontahigahane. Keonke'zama tro'mahu vahe'mo'za mago'ane trora osanageno, witi akaruma hare'naza agerura ontahigahane.
23Hagi ramumofo msa'a mo mago'ane remsa huogantesigeno, a'ma eri'kuma hania ne'ene, vema erikuma hana'a zanagasasankea ontahigahane. Na'ankure kagri vahe'moza zgonu mizaseza zgore netraza nagamo'za (bisinisi) maka mopafi vahe'mofo avurera ra vahe mani'nazangi, maka mopafi vahera kagra avuatga zanka'reti rezmataga hu'nane.
24Hagi ana a'mofompina kasnampa vahe'ene, Anumzamofo naga'ene maka ama mopafima Anumzamofo amage nentazageno zmahe'nea vahe'mokizmi koramo me'nege'za ke'naze.