Psalm 91

1

23

27

34

51

67

90

91

95

100

103

110

119

139

¹Aiai ravana e nenae Aidamo Telarana awarina agu aubaina, lamna Vivirewapanana Kaukauana au ririvana ina mae.

²Bada au God awarina ana riwa ana pa, “Tam au anigagalo ma au tauviḡavia. Tam au God, a vivitumaḡanem.”

³Aubaina tauna, ḡavia ana waro govagovaḡai ma numa rarauabubu awarinei ina gagaloemi.

⁴Tauna papenenei ina tereḡovaḡimi ma papena au gabaurina ina gagaloemi; ana vipatutu, am rawena ma am anigagalo.

⁵Waguvara kauai viʼni-rovorovoi eḡa ona rovoei, bo ḡavia madeḡai e viviḡavia,

⁶bo numa rarauabubu waguvara e viviḡavia, bo doria madeḡai e viviraḡena.

⁷Avena da rava tausan au ririvam i peu, bo ten tausan au oiem i peu; wate tam ita vodadana-avem.

⁸Matamiei ona inana ma ona inanai ḡoʼapoapoe ravai ai kovoḡa.

⁹Aubaina Bada o vaia ami rawena; Ḡetelarana ami taugagalo.

¹⁰Eḡa aiwai apoapoena awarimi ina tupua bo au numa ina ḡeta.

¹¹God ana anela ina terei da ina painimi ma ina gagaloemi ami au babara.

¹²Taui uraiei ina voepaim da aem eḡa ḡaima au tepana ma rauei.

¹³Taumi lion ma mota ona vovaiubai, lion ḡaiḡaiawai ma mota viviwaiawai ona tugwadagwadai.

¹⁴God i riwa i pa, “Aiai nuanuau e vaivainonoei, ana vilawani; ma ana gagaloei, aubaina i aramana-kauei.

¹⁵Maranai i kwatu awariu, ana paribelei. Tau kampa ai au nuabola, ana taravaini ma ana voepaepai.

¹⁶Ai lawana ana vimanaini, ma au vilawana mamae-nonoana ana viatataiei.”