Proverbs 15:1-7

¹Fulweg ku be’ nib sumunguy e ma chuweg e damumuw, ma fulweg u fithik’ e thin nib gel e ma k’aring e damumuw.

²Ra non e girdi’ nib gonop, me m’ug feni fel’ e llowan’, machane pi’in balyang e ma yib e thin ni dariy fan u l’ugunrad.

³I SOMOL e be guy urngin ban’en ni yibe rin’ u gubin yang, ndemturug ko tin bfel’ ara tin kireb e gadad be rin’ ma be yaliydad.

⁴Thin ni gol e ma ayuweg e yafos, machane morug thin e ma kirebnag lanin’uy.

⁵Rib balyang ni ngam pi keru’um ko fonow nike tay e gallabthir rom ngom; rib manigil ni ngar yal’uwegem ma ga fol.

⁶Pi’in mat’aw e ma par e fla’ab rorad u pa’rad, ma pi’in kireb e ra yib e gafgow me mul e fla’ab rorad u pa’rad.

⁷Pi’in gonop e yad ma garareg e llowan’, ma gathi pi’in balyang.