Proverbs 12:4-11

⁴Le’engin be’ nib manigil e ba churwa’ nib uf e en ni figirngin ngay; ma le’engin be’ nma tamra’nag figirngin e bod e m’ar ni kanser ko yil rok.

⁵Girdi’ ni yul’yul’ e gimew ra puruy’ ni bfel’; ma be’ nib kireb e kemus ni ba’adag ni ngi i ban nigem.

⁶Thin ko girdi ni kireb e ma thang e pogofan, ma thin ko pi’in mat’aw e ma ayuweg e pi’in ke man e lang ngorad.

⁷Pi’in kireb e yad ra machda’nag e gafgow ni nge yib ngorad me math owcharad, ma pi tabnaw rok e pi’in mat’aw e yug ra i par.

⁸Fa’anra ga ba tamilngan’, ma yira pining e sorok ngom; ma fa’anra ga ba pinat, mra changar e girdi’ ngom nga but’.

⁹Bmanigil ni ngam par ni gathi gur be’ ni bu uw rogom ni ga be maruwel ni fan ko par rom, ko bin ngu’um dake gur be’ nib ga’fam ma ga be yim’ ko bilig.

¹⁰Girdi’ nib mat’aw e ma chothowliy e gamanman rok, ma pi’in kireb e yad ma gafgownag e tirorad e gamanman.

¹¹Be’ ni girdi’en e milay’ e bo’or gan, ma rib pinat e en ma adbey tayim rok ko maruwel ni dariy gam’ingin.