Proverbios 23:27-35

²⁷Cuerpunwan gänapacoj warmiga yanauyaycaj ruri uchcunömi. Jäpa warmiga yanauyaycaj cañipu uchcunömi.

²⁸Runacunataga suwano sumaj ricapan. Nircur ollgu runacunataga jucta-juctapis pirdisyunman chayachin.

²⁹¿Pitaj ñacan? ¿Pitaj nanächicun? ¿Picunataj rimanacullar, wagallar goyan? ¿Piraj pitapis mana gallaripaycällar malubracun? ¿Picunaparaj ñawinpis yawartasha?

³⁰Chaynöga carcaycan upyallacho goyajcunami, machächicojcunata rurarcur-rurarcur upyallar goyäcojcunami.

³¹Machächicojcunataga ama munapanquichu. Maysi upucuylla munapaypaj achicyaypa achicyar-rämi bäsuchöpis ricacan. Upurcorga mishquillami ultarcärin.

³²Nircurnaga culebrapa benënunnömi nanächishunqui, gueshyachishunqui.

³³Machacurcorga mana yarpashayquitami ricapacunquipaj. Mana cumbënejcunatami rimachishunquipis; yarpächishunquipis.

³⁴Lamar chaupincho umayqui tumariycajtanömi mayapacunquipaj. Can'wacho aywaptiqui umayqui tumariycajnömi ricacunquipaj.

³⁵Ninquipaj: «Magamaptinpis manami nanämashachu. Astimashantapis manami mayashcächu. Paucarcorga yapaymi upyaj aywashaj» nir.